Festi hf. – verðmat 1.1.2025

Helstu forsendur

• Vöru- og þjónustusala vex um 6,1% að meðaltali á ári á spátíma.
• Framlegð sölu nemur að meðaltali 23,5% á ári á spátíma.
• Rekstrarkostnaður á móti sölu nemur 16,5% á ári á spátíma.
• Afskriftir rekstrarfjármuna, leigueigna og óefnislegra eigna (án viðskiptavildar) nemur 9,8% á ári á spátíma.
• Fjárfestingaeignir eru endurmetnar í samræmi við árlega hækkun neysluverðsvísitölu eða um 4% á árinu 2025 en síðan 3% á ári  frá 2026 og út spátíma.
• Meðalfjármagnskostnaður lánsfjármagns er 9% á árinu 2025 en síðan 7% á ári frá 2026 og út spátíma sem samsvarar 4% verðtryggðum vöxtum, fjármögnun er í íslenskum krónum.
• Arðsemi bókfærðs eignarhluta í hlutdeildarfélögum nemur 17% á ári á spátíma. 
• Tekjuskattur nemur 20% á ári á spátíma og er reiknaður af hagnaði að frádreginni afkomu af hlutdeildarfélögum.
• Hlutfall sölu á móti bókfærðum rekstrarfjármunum, leigueignum og óefnislegum eignum (án viðskiptavildar) fer úr 2,6 í 3,2 á spátíma. Fjárfesting í hlutfalli af sölu á ári lækkar því á spátíma, fer úr 5,1% í 4,2%.
• Aðrar efnahagsstærðir eru afleidd stærð af öðrum liðum í rekstri og efnahag.
• Arðgreiðslur nema 34,9% af heildarafkomu fyrra árs árið 2025 en síðan 70%, miðað er við að eiginfjárhlutfall sé um 40%.
• Eilífðarvöxtur í lok spátíma er 4,5% sem samsvarar 1,5% raunvexti.
• Sjá aðrar almennar forsendur undir „Verðmat“.
• Miðað er við 10% arðsemiskröfu á eigið fé við núvirðingu á afkomuspá, 2025-2034.

Niðurstöður

• Að gefnum forsendum er virði á hlut 243,4 kr. miðað við 1.1.2025.