Tilgangur
Með piltur.is er verið að auðvelda fjárfestum að gera sér grein fyrir virði einstakra fyrirtækja sem skráð eru á hlutabréfamarkaði á Íslandi.
5. ágúst 2026
Á piltur.is má nú finna uppfærðan samanburð á afkomu bankanna fyrir árin 2021–2025.
Á næstu vikum verða birt uppfærð samanburðaryfirlit fyrir önnur fyrirtæki innan sömu atvinnugreinaflokka, unnin með sama hætti.
Í byrjun árs 2027, samhliða birtingu ársuppgjöra fyrirtækja, verða núverandi verðmatsgreiningar einstakra fyrirtækja uppfærðar með hliðsjón af ársreikningum fyrir rekstrarárið 2026.
Jafnframt er bent á Facebook-síðuna Piltur, sem hægt er að fylgja. Þar eru birtar upplýsingar um nýtt efni og uppfærslur á vefnum.
Þorgils Óttar Mathiesen
Um verðmat
Verðmat einstakra fyrirtækja byggir á tíu ára afkomuspá, unninni á nafngrunni og núvirðingu hennar. Afkoma umfram/undir ávöxtunarkröfu er núvirt og bætt við eigið fé í uppphafi spátímabils sem er þá virði viðkomandi fyrirtækis (e. residual income valuation).
Afkomuspáin tekur mið af reynslutölum úr ársreikningum fyrri ára, leiðsögn stjórnenda ef hún er fyrir hendi í ársreikningum og öðru kynningarefni og almennum rekstrarhorfum að mati greinanda. Ekki er gert ráð fyrir verulegum breytingum á rekstri viðkomandi fyrirtækis á spátímabilinu. Sú forsenda er jafnframt gefin að stöðugleiki og jafnvægi ríki í efnahagsmálum landsins.
Við núvirðingu á afkomu er notuð 10% nafnarðsemiskrafa til eigins fjár í öllum tilfellum, horft er til áhættulausra vaxta þ.e. ríkisbréfa til lengri tíma með álagi. Metinni áhættu fjárfesta í einstökum fyrirtækjum að öðru leyti er þá mætt með afslætti á núvirtu verði þeirra.
Afkomuspá og verðmat sem birt er á vefsíðu þessari er almenns eðlis og felur á engan hátt í sér ráðgjöf til fjárfestis um kaup eða sölu tiltekinna fjármálagerninga, sjá fyrirvara.