Íslandsbanki hf. – verðmat 1.1.2026

Niðurstaða verðmats

• Virði hlutar þann 1. janúar 2026 er metið á 159,3 kr.
• Verðmatið byggir á núvirtri afkomuspá fyrir árin 2026-2035, með 10% nafnarðsemiskröfu á eigið fé og 4% eilífðarvexti í lok spátímans (1% raunvöxtur).
• Hækkun á virði frá fyrra mati skýrist af afkomu ársins 2025 og breyttum forsendum í nýrri spá, einkum hvað varðar vaxtamun, kostnaðarhlutfall og virðisrýrnun.

Helstu forsendur

• Vaxtamunur af meðalstöðu heildarfjármagns er 3% árið 2026 en lækkar í 2,8% frá og með 2028 og helst óbreyttur út spátímann.
• Hreinar þóknunartekjur vaxa að meðaltali um 5,7% á ári.
• Ávöxtun skuldabréfa er 6,5-7,5% á ári á spátímanum, þar af færist 0,5% sem breyting á gangvirði með hreinum fjármunatekjum. Vaxtaþáttur skuldabréfa færist í hreinar vaxtatekjur.
• Ávöxtun hlutabréfa er 12% á ári.
• Kostnaðarhlutfall er að meðaltali 45%.
• Virðisrýrnun nemur 0,3% af útlánum á ári.
• Tekjuskattur er 20% (að frádreginni afkomu hlutdeildarfélaga og hlutabréfa), fjársýsluskattur 6% af skattalegum hagnaði yfir 1 ma.kr. og sérstakur skattur á fjármálafyrirtæki 0,145% af heildarskuldum yfir 60 ma.kr.
• Vöxtur útlána er 5,7% að meðaltali á ári.
• Arðgreiðslur nema 51% af heildarafkomu fyrra árs árið 2026, en 65% út spátímann.
• Aðrar almennar forsendur eru undir „Verðmat“.