Skagi hf. – verðmat 1.1.2026

Niðurstaða verðmats

• Virði hlutar þann 1. janúar 2026 er metið á 28,6 kr.
• Verðmat byggir á núvirtri afkomuspá fyrir árin 2026-2035, með 10% nafnarðsemiskröfu á eigið fé og 4% eilífðarvexti í lok spátíma (1% raunvöxtur).
• Hækkun á virði frá fyrra mati skýrist af afkomu ársins 2025 og hærri arðgreiðslum í nýrri spá.

Helstu forsendur

• Tekjur af vátryggingastarfsemi vaxa að meðaltali um 5,7% á ári á spátíma (2,4% raunvöxtur).
• Tjóna- og endurtryggingahlutfall nemur 75%.
• Kostnaðarhlutfall í vátryggingastarfsemi nemur að jafnaði 20% á ári.
• Hreinar þóknunartekjur vaxa að meðaltali um 5,7% á ári á spátíma.
• Kostnaðarhlutfall í „fjármálastarfsemi“ fer lækkandi og verður 95% frá og með 2031.
• Meðalávöxtun skuldabréfa er 7,5% á ári árin 2026-2027 en 6,5% eftir það. Ávöxtun hlutabréfa er óveruleg á árinu 2026 en síðan 12% á ári.
• Við útreikning á fjármagnsliðum vátryggingasamninga á spátíma er miðað við 3% vexti á ári á skuldbindingu í upphafi hvers árs.
• Tekjuskattur er 20% af hagnaði að frádreginni afkomu hlutabréfa. Auk þess leggst 6% fjársýsluskattur á skattalegan hagnað umfram 1 ma.kr. Ekki er tekið tillit til boðaðs viðbótarskatts á fjármálastarfsemi.
• Hlutfall hlutabréfa af verðbréfaeign er 33%.
• Vöxtur útlána er 6,7% að meðaltali á ári.
• Skuldbinding vegna vátryggingasamninga nemur 100% af tekjum.
• Arðgreiðslur nema 40% af heildarafkomu fyrra árs árið 2026 en 70% eftir það.
• Gjaldþolshlutfall er að jafnaði 1,4.
• Hlutdeild minnihluta er óverulegur og er því sleppt.
• Aðrar almennar forsendur eru undir „Verðmat“.