Tilgangur
Með piltur.is er verið að auðvelda fjárfestum að gera sér grein fyrir virði einstakra fyrirtækja sem skráð eru á hlutabréfamarkaði á Íslandi.
12. febrúar 2026
Á piltur.is hafa nú verið birtar tvær uppfærðar verðmatsgreiningar miðað við 1. janúar 2026, byggðar á ársreikningum félaganna fyrir árið 2025. Um er að ræða greiningar á Festi hf. og Icelandair Group hf.
Á næstu vikum munu birtast verðmatsgreiningar á yfir tuttugu skráðum félögum í Kauphöll Íslands, unnar í kjölfar ársuppgjöra þeirra fyrir árið 2025.
Vakin er athygli á Facebook-síðunni Piltur, þar sem greint er frá nýju efni á vefnum.
Þorgils Óttar Mathiesen
Um verðmat
Verðmat einstakra fyrirtækja byggir á tíu ára afkomuspá, unninni á nafngrunni og núvirðingu hennar. Afkoma umfram/undir ávöxtunarkröfu er núvirt og bætt við eigið fé í uppphafi spátímabils sem er þá virði viðkomandi fyrirtækis (e. residual income valuation).
Afkomuspáin tekur mið af reynslutölum úr ársreikningum fyrri ára, leiðsögn stjórnenda ef hún er fyrir hendi í ársreikningum og öðru kynningarefni og almennum rekstrarhorfum að mati greinanda. Ekki er gert ráð fyrir verulegum breytingum á rekstri viðkomandi fyrirtækis á spátímabilinu. Sú forsenda er jafnframt gefin að stöðugleiki og jafnvægi ríki í efnahagsmálum landsins.
Við núvirðingu á afkomu er notuð 10% nafnarðsemiskrafa til eigins fjár í öllum tilfellum, horft er til áhættulausra vaxta þ.e. ríkisbréfa til lengri tíma með álagi. Metinni áhættu fjárfesta í einstökum fyrirtækjum að öðru leyti er þá mætt með afslætti á núvirtu verði þeirra.
Afkomuspá og verðmat sem birt er á vefsíðu þessari er almenns eðlis og felur á engan hátt í sér ráðgjöf til fjárfestis um kaup eða sölu tiltekinna fjármálagerninga, sjá fyrirvara.